«Турпала никъ» яхача программе 100 совгӀа дехар чуденнад
28.03.2025 12:26
«Турпала никъ» яхача моттигерча программо 100 совгӀа волча сага теркам тӀаэзаб. Из хоам «Сердалога» бир Мехкадаь зарбан болх лелабераша. ХьатӀабоагӀача бетта 1-гӀа ди тӀаотталца чуийдергда дехараш.
«Цу программан юкъе дакъа лацаро малагӀа аьттув лу хьалхадаьккхад вай СВО ветеранашта. Из аьттув цар дӀабохийтаргцахиларах дог тийша ва со», - язду вай Мехкадас ший бувзама оагӀонашка.
ТӀема ветеранех дувцаш, республикан кулгалхочо белгалдир, вай тӀема доакъашхой моллагӀча моттиге нийсагӀдар харжа ховш, деналца духьалъотташ, кадай болга. Таханарча вахаре чӀоагӀа лоархӀаме да уж хӀамаш, иштта лоархӀ Мехкадас.
