Экажкъонгий-юртарча Шолжа оала хий гIишлон материалаш гонахьа гIолла Iотийса юхакъейлад, хIаьта Назранка хий Iододача берда йистошкарча даькъ тIа гIишло хьалъярах цу лаьтта тIа кхоачамбоацараш нийсденнад.
ГIалгIай Республика экологически дегIайоалаяра министра Йовлой Мухьмада яхачох, экскаваторца сангар охкаш, кIалара лаьттан кIийле телхаяь хиларах, хIама дIае йиш йола лаьтта а пайдана доацача доал. Назранка оалача хи йисте а гIум а жагIа вIаший увш йола гIишлон материалаш Iойоассаяьй. Цул совгIа цига бахача наха а шоашта могар даьд нувхаш Iокхийса.
Премьер-министра Сластенин Владимира белгалдир, из зулам даь нах тохкаргба, царна доагIаш дола таIазар дергда, аьнна.
Цо аьлар из деррига мел цадоагIаш даь зулам да, наха шоаш лораде дезалга гонахьара Iалам, хьалхарча аргIах цар шоашта зе деш хилар а тIехь тIабоагIарашта во масала гойташ хилар а белгалдир цо.
Боккъонга диллача эзараш вай бахархошта деш дола зе да из, цIенача экалогена сутара хила деза вай, - аьлар цо. Шолжа, Назранка оалача тезача хина мах баь саг варгвац. Назранка- кхыча моттигешка бахача наха мах телаш ийдеш долча хина маьха да. Говзанчаш яхачох уж хиш чудоагIаш да паччахьалкхен эклогенна тIахьожам лоаттабара йолча хина объекташта, федеральни Iаьдало тIахьожам а лоаттабеш.
ТIахьожам хила беза массане а бахача наьха, юкъарленна, иштта кIезиг-мукъах ший мехкагI дог лазаш барий.
