«ВIалла а ерзаргйоаца чов я из, вай массане дегашта! Наха гIо де бахача, шоай вахар дIадаллал денал долаш хинна болхлой ба уж! Тха дегашта цIаккха а бицлургбац уж турпалхой», — аьлар Россе МЧС хьалхалаттача Куренков Александра. ХIамашта кIалдаха бери кхалсаги хьадаха гIерташ баьхкача царна, бетона гом IотIахаьрцаб. Налганаькъан Мухьмад Наьсаре кхийна вар. Бера хана денз, спорт езаш, бокъонца бола къонахчун никъ Iомабеш, хьавенавар из. Россерча МЧС академе деша ваьгIар из. Гаьнарча Малхбоале хий чухьийддача наха цо гIо дарах, совгIат денна белгалваьвар. Газета болхлой, цун цIагIарча нахаца, из хало екъаш ба. Дала гешт долда цунна; Дала, ялсмален хьаьша ваь, тIаэцалва вай воша!