Магаса кхоалагӀча микрорайонах цӀи тулларгья Коталон 80 шу дизара сийна
ГӀалгӀайчен столицан кхоалагӀча микрорайона цӀи тулларгья Коталон 80 шу дизара сийна. Из де лаьрхӀар исторически ди дӀахьош хиларца дувзаденна.
Къаьстта из микрорайон харжар цаховш нийсденна хӀама дац - укхаза Коталон Аллея я, хӀанз укх сахьате цига дӀахьош доккхий балхаш да. ГӀалгӀайчен кулгалхочо Келаматанаькъан Махьмуд-Ӏаьлас Магас-Шахьара мэра Тиймарзанаькъан Мусайна тӀадиллад цу гӀулакха эшаш бола болх вӀашагӀболлар, лоаццача хана из проект кхоачашъ - ергйолаш.
«Микрорайона Коталон 80 шу дузаш из цӀи ялар - исторически дагалоаттама воай дакъа юкъехьош хилар да», - аьлар Келаматанаькъан Махьмуд-Ӏаьлас.
Белгалдоаккх, кхоалагӀа микрорайон дика дегӀаена я массайолча оагӀорахьара. Цу даькъ тӀа я берий беш, цо лелаю Россе Турпалхочун Ӏарпенаькъан Марема цӀи, стадион, тайп-тайпара спортивни майдаш, гостиница, вӀаштӀара даь цӀенош.
