Подмосковье дIайихьача ерригача Россе яхье, белгалваьлар вай штангист
12.02.2024 10:24
ЦIихезача Россе тренера Окунев М. С. хетаяь хиннача, ерригача Россе езача атлетиках йолча яхье шоллагIа моттиг яьккхар «Ади-Ахмад» яхача спорта клуба доакъашхо волча Йовлой Анзора.
Из хоам «Сердало» газетага бир спорта гIулакхех йолча министерствон болхлоша.» Тренер волча Галай Мурада тIахьожам беш, кийчо еш хилар Йовлой Анзор. 81 кийла болча спортсменашта юкъе, 200 кийла айе аьттув баьлар цун. (катеха айяр - 90 кийла, дIатетта айяр - 110 кийла).
Дошо майдилг яьккхар вай мехкахочо. Олимпийски чемпион волча Берестов Дмитре цIерах дола совгIаташ дийкъар цига дикагIа болча спортсменашта», - йоах тхогарча хоамо.
Белгалде деза, хьалха хиннача халача атлетиках йолча яхье вай мехкахочо Солсанаькъан Адама дошув даьккхалга.
