Магаса нах тӏалатта моттигаш хозъергья, хьармакхаш дӀадийна
Магасе дӀайолаяьй шахьар баьццаръ- ерзаяра проект – 2026 шера дӀае лерхӀ 25 эзар хьармакха кӏотаргаш, яхаш, дийцар «Сердало» газетага ГӀР Кулгалхочун зарбан болх лелабераша.
«Баьццаръерзаяр – из шахьар хозъяр хинна Ӏац. Оаха болх бу, Магас таханарча замо дӀадеххача беса хоза, куц долаш хилийта гӏерташ. «Хьармакхий шахьар» яхача проекта маӀан да; урамаш, паркаш, аллеяш хозъяр; хьаьший, бахархой безам тӀаозаш. Из болх дӀахьош ба столица вахара хьалаш тоадара», - аьлар республикан кулгалхочо Келаматанаькъан Махьмуд-Ӏаьлас.
Шахьара зизаш - уж массаза наьха психологически хьал тоадеш да, цар хьалхадоаккх хозал воча хӀамал котйоалаш хилар. Зизашта юхе нийсвелча, хоза хеташ, царга хьажа отт, хӀара саг а оамала кӀаьдагӀа хул.
«Хьармакхий шахьар» яха проект дукхача шерашка дӀаяхьа лерхӀ, цу юкъа хоза зизай тайпаш хьалкхедеш; цар гӏадбугаргба хьаьший, бахархой.
