ГӀалгӀайчен ТЮЗо, «Театран къайле» яхача фестивале, ший спектакль гойтар
21.09.2023 09:19
Майкопе тов бетта 21-ча дийнахьа «Театран къайле» яха VI халкъашта юкъера берий театра фестиваль хилар. Цунна юкъе, кхыча ЮФО, СКФО субъектий викалашца цхьана, дакъа лоацаш хилар ГӀалгӀайчен берий театр. Цун актёраша АьдагIой столице дикагӀа йола спектакль йихьаяр.
«Театран къайле» яхача фестивале, берашта лаьрхӀа спектаклаш гойтар. Театраца дувзаденнача цу вIашагIкхетаро шийна хьалхашка декхараш оттадаьд: берашта, ондаргашта долча театра дикал лакхъе, таханара кердадараш а вай Ӏадаташ а дувцаш йола дика спектаклаш йовзийта.
ГӀалгӀайчен ТЮЗо «Цицхолгий корзагӀъялар» яха Хамченаькъан Аьсета пьесах театра керттерча режиссёра Хазанаькъан Лейлас оттаяь постановка гойтар«, — аьлар «Сердало» газетага ГӀалгӀайчен культуран министерстверча зарбан болх лелабераша.
