Хоржамашка дакъа лаьцар тӀема ветерана Медаранаькъан Мухьмада
10.09.2023 17:08
Тахан дийна а волаш, вахаш волчарех ва Сийлахь-боккхача Даьймехка тӀема ветеран Медаранаькъан Мухьмад, цо дакъа лаьцар хоржамашка, яхаш, дийцар «Сердало» газетага Наьсарен шахьара администраце. Цунна аттагӀа хургдолаш, шоай яьшка а ийца, избиркома доакъашхой из волча дӀабахар.
«Медаранаькъан Мухьмад тахан Наьсарен вахархо ва, наха лоархӀаш а везаш а ва.
Цига ваха хилар шахьара администраце кулгалхо Йовлой Урусхан.
Цо баркал аьлар тӀема ветерана, моастагӀчунгара котало йоаккхаш къахьегарах, цига ший дакъа юкъедихьа хиларах, ишта совгӀат а делар», — йоах хоамо.
