«Турпала никъ» яхача программа доакъашхой болх Ӏомабеш ба
«Турпала никъ» яха, СВО доакъашхой вай мехкарча моттигашка болх бе хоржаш йола дешара программа я, вайцига дӀахьош. Таханарча дийнахьа республикерча тайп-тайпарча моттигашка балхацара говзал Ӏомаеш ба уж.
Укх бетта 15-ча дийнахьа денз, дӀадолалу цу дешарцара йиъ кепах латта шоллагӀа дакъа. Цу юкъе хургья лекцеш, иштта болх бовзача кулгалхоша цу оагӀонцара говзал царна Ӏомаяр. Вай мехкадас Келаматанаькъан Махьмуд-Ӏаьлас белгалдир, шоллагӀча оагӀонца доакъашхошта кхыдола кердадараш довзаргхилар.
«Кулгал деча моттигашка къахьегача сага довза мел дезараш Ӏомадергда, цу программага гӀолла. ТӀема аренашка шоаш хьахьекхача тайпара таханарча вахаре а шоаш хьахьокхаргхиларах теша лов турпалаша», - аьлар Мехкадас.
Яхьашка дакъа лаца дехар чуденнараш 174 саг вар, царна юкъера хьахержараш 50 саг ва. Ийс саг карарча хана дешаш ва, хӀаьта 32 саг, эшаш моттиг хуле, тӀавеха кийча варашта юкъе ва.
