«Цо белгалдир, вай бӀухой денал, майрал гойташ хилар, дукхача Россе бахархоша уж хьаллоацаш хилар, тахан Даьхе лораеш тӀема хьалхарча мугӀарашка латташ хиларах. Ше къамаьл деш, цо хьалхадаьккхар массайолча балха моттигашта, Ӏаьдала викалашта; тахан, кхоана, иштта массайолча хана; Россе дӀахьош йолча лаьрххӀача операце дакъа лоацаш болча бӀухой дезал хьаллацар, цар хьашташ кхоачашдар», - йоах хоамо.

Царна терко еш хила езарах дувцаш, Путина белгалдир, лаьрххӀача операце дакъа лоацаш барий 2% тӀакхеташ дола ипотека кредит эца йиш хилар. Иштта лакхарча дешара моттигашка уж деша отта йиш йолаш хилар.

Цул совгӀа, Владимир Владимировича хьакхайкадир, керда «Турпалхой ха» яха СВО доакъашхошта лаьрхӀа кадрови политика дӀайолалуш хиларах. Цига дакъа лацара дехар дӀачудала йиш я, карарча шера тушола бетта 1-ча дийнахьа денз.