ТӀемхой деналах дийцар ГӀажарий-Юртарча дешархошта
03.09.2025 15:59
«ТӀеххьарча тӀема турпалаш» яха классера сахьат дӀадихьар ГӀажарий-Юртарча ишколе. Даьхен гӀулакха латтар мел лоархӀаме гӀулакх да дийцар берашта Халкъа Гуллама депутат волча Олиганаькъан Бадрудина.
1945-ча шера Дунниски укрепрайоне лаьттача тӀема юкъе цӀихеза хиннача Советски Союза Турпала Журавлев Петра хетаяь яр из кхетаче. Сийлахь-боккхача Даьймехка тӀема Коталонах, Журавлев Пётра хьабенача турпалча наькъах дийцар цига.
Олиганаькъан Бадрудина дийцар СВО доакъашхоша тахан гойтача деналах, майралах. Цо белгалдир, къона тӀехье Даьхенцара безам чӀоагӀбу хьехам беш кхее езилга.
