ХIанз из дакъа лоацаш я «ГIалгIай мотт, литература хьехаш дикагIа йола хьехархо-2023» яхача Ерригроссе профессиональни яхье. «Аз зIамагIдолча берашца болх бу, из боккха салоIам а, кхоллам а, ираз а да. Цхьабакъда цунца цхьана боккха бехктокхам а къахьегам а ба. Са декхар да, бокъонца вола саг хьалкхевар, ший Даьхе езаш, нийса вахара никъ дIахьош, ишколе Iомадаьр вахаре юкъедоакхаш, ираз долаш из хургвола никъ цунна балар. ДукхагIча даькъе, сага ираз тийша да, цо ший болх дIабахьара наькъах. Аз, доаккхал а деш, ях — са хьамсара цIа да, сога са дешархой хьежаш а со езаш а болчча. Аз доаккхал ду сай вахар ишколаца, хьехархочун къахьегамца дувзаденна хиларах. Бераш Iомадар, уж кхедар, нийса никъ царна балар — са вахара керттера маIан да», — аьлар «Сердало» газетага Ахьмада Зинас. Укх сахьаташка, «ДикагIа йола урок» яхача яхье дакъа лоацаш бола хьехархой белгалбоалаш ба. Халкъа хоржамца шин даькъа вийкъа 72 хьехархо ва. Кхадж тассара тIеххьара минот дIайоал тов бетта 22-ча дийнахьа 17 сахьат 59 минот яьлча. ГIалгIайчен бахархой таро я, вай мехкахо котъяргйолаш, кхадж тасса. Цу гIулакха укх моттиге вала веза: https://vk. com/app7198399_-213970634, тIаккха кхадж тасса беза БIарахой Ахьмада Зинайна.