ГӀалгӀай къаман
юкъара газет

Кердадараш

МагӀалбикера Гогола цӀерах бола урам тоабир, федеральни проектага гӀолла

Шахьара моттигаш тоае лаьрхӀа кхеллача проекташка гӀолла, куц тоадир МагӀалбикерча Гогола, Нурадилова оалаш долча урамий. Из хоам «Сердало» газетага бир гӀишлошъяра министерствон болхлоша.

«2021-ча шера, эггара хьалхарча аргӀагӀа тоае езарех йолча моттигех я, аьнна, хоржамашка гӀолла шахьарера 7 моттиг белгалйир цигарча бахархоша», - йоах тхогарча хоамо. Гогола, Нурадилова цӀераш лелаю урамаш тоаде дезача хьале кхаьча дукха ха яр.

Бахархоша дуккхаза тӀакхихьадар из гӀулакх шахьара администраце кулгалхошта, бакъда, ахча доацаш, юхатетташ лаьттадар из. Доккха беркат даьлар федеральни проектах. Тоадаьча урамий, наькъий куц хӀанз бӀарг тӀаотташ да.

Керда асфальт билла, гӀашлой наькъаш тоадаь, лампаш ехка, кӀайча басарашца наькъашка оасташ даь, къахьийгад цига. Из беррига а наьха вахара хьал аттача даккха дӀахьош болх ба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде