Наьха бокъонаш лораяра викала заӀапхочунна гӀо дир
ГӀалгӀай мехка гӀолла сага бокъонех волча викала ТӀой-Юрта вахача пенсионера га даьккхар, бокъонах доацаш, заӀапхочун доагӀаш дола пенси лӀаьгӀдаь хиннадар. Сага бокъонаш лораяра викал юкъевеначул тӀехьагӀа, гуш хилар, цу сага хӀара бетта 7 эзар 153 сом ахча хьа ца луш хилар.
«2023 шера маьтсела бетта денз, сона луш дола пенси лӀаьгӀдаьд. ГӀалгӀай Республикан соцфондо цох доагӀаш дола жоп даланзар. Цул совгӀа, сога кхыметтел сага хоам а баьбац, са пенси тохкаш хиларах лаьца. Аз лоархӀ, социальни фонда болхлоша леладер нийсхо йолаш дац, цудухьа новкъостал дех шугара», - из чулоацам бола дехар дахьаш вера пенсионер, сага бокъонаш лораю викал волча.
«Сердало» газетага, ГӀалгӀай Республикан УПЧ хоамий-аналитически даькъ тӀа баьча хоамах, Россе социальни страховане, пенсионни фондо баьча тохкамах, 2023 шера маьтсела беттагара оагӀой беттага кхаччалца, хьа ца луш лаьтта ахча 57 эзар сом пенсионера чота тӀа дӀатӀадохьийтаргда укх деношка.
