Укх дунен тӀара дӀакхелхар ГӀалгӀайчен тӀеххьара ВОВ доакъашхо Медаранаькъан Мухьмад
14.04.2025 15:40
Ший 101 шу дузаш, дӀакхелхар Сийлахь-боккхача Даьймехка тӀема ГӀалгӀайчен тӀеххьара ветеран Медаранаькъан Мухьмад.
Республикан кулгалхочо Келаматанаькъан Махьмуд-Ӏаьлас белгалдир бувзама оагӀонашка, из дӀаваларца бӀарчча вахара истори дӀадахар.
Медаранаькъан Мухьмад мехка халонаш яйна саг вар. Дунен шоллагӀа тӀом - из эггара дукхагӀа наьха цӀий Ӏомохкадаьрех бар, яхаш, дийцар Мехкадас.
Сийлахь-боккхача Даьймехка тӀема тӀеххьара ветеран вай дегашка латтаргва даим, из хургда Даьхенцара безам гойташ, денал дола майра бӀухо хилара масал. Республикан кулгалхочо иштта белагалдир, цун масалах кхедергда тӀехьа тӀадоагӀа ноахал.
Кодам бувц Медаранаькъан Мухьмада гаргарча нахага, дезалга. Дала гешт долда цунна.
