Миннаца кулгал деш хинна Беканаькъан Ваха сацара хьакъехьа
28.08.2023 22:16
Халача лазарах цамогаш хиннача Миннаца кулгалхочун Беканаькъан Вахий вахара никъ хаьдар тахан. «Панкреатит яха лазар хьахьайна, сакхетам чура ваьнна, Ӏочувигавар из дарбанче. Массане сатувсар, из цу лазарах хьаваларга.
ЦӀаьхха, нийсъеннача цу моттиго йоккха вас яьй из вовзаш мел хиннарашта. Дала, къахетам баь, тӀаэцалва из!» — аьлар цунца болх баьча сага.
2022-ча шера денз, къаман политикахи, хоамехи, кепайоазонахи йолча министерствонна кулгал деш хьавоагӀар из.
Дала къахетам болба цох, вийрза моттиг Дала даькъала йойла цун!
