«Земски лор» яха программа ший болх беш я
«Земски лор», «Земски культуран болхло» яхачарех тара йола программаш йоаржае лерхӀ РФ, 2025-ча шергара денз. Цох лаьца дийцар РФ президента, селхан Федеральни Гулламга даьча къамаьла юкъе. Юрташка керда проекташ йоаржаяр, цигара хьал дикка тоадеш хила деза.
Вай республике лакха толамаш доахаш дӀахьош я тахан «Земски лор» яха программа. Цу гӀулакхо дикка аьттув лу, пхе шера чӀоагӀо яь, юрта болх бе дӀаболхача лорашта, иштта лораш тоъаш цахиларах халача хьале хиннача дарбанчешта. Из дика, беркате гӀулакх дӀахо дӀадахьа лаьрхӀад тахан. Вай мехкарча хӀара юрта хьадийллад культуран цӀенош, библиотекаш.
«Земски культуран болхло» яхача программо дикка тоадергда юрташкара культуран оагӀон хьал. Цу оагӀонцарча болхлошта дала оттадаьр цхьа млн сом ахча да.
