ГӀалгӀай къаман
юкъара газет

ГӀалгӀайче «БӀаьшерен боадонгара» яха спектакль го йиш я, маьха чухьнахьа луча билетах

Саькура бетта 19-ча, 22-ча деношка, Баро кӀалхарча культуран цӀагӀа «БӀаьшерен боадонгара» яха Поглазов Владимира оттаяь Базорканаькъан Идриса романах йола спектакль гойтаргья эрсий паччахьалкхен ашарий-драматически театро. Цига аьттув бар да, билеташ маьха чухьнахьа хилар, яхаш, хоам бу «Сердало» газетага ГӀалгӀайчен культуран Министерствос.

«БӀаьшерен боадонгара» яха спектакль - из театр дезарашта дола совгӀат да. Цо хьажархой кхоачабу гаьнарча ХӀХ бӀаьшеренга, иштта цу ханара философе уйлаш яйт нахага, сага дунен чурча вахарах йолча уйланга кхоачаву цо. Цу эрсий паччахьалкхен ашарий-драматически театра спектаклага хьажа таро хургья акцех. Маьха чухьнахьа дола билет эца йиш я укх номерах: +7 (988) 120-67-61», - аьлар тхоца къамаьл даьчо.

ГӀалгӀай йоазонхочо Базорканаькъан Идриса романах бола цу тайпара болх ший хана хьажархошта чӀоагӀа лерхӀаме бар. Режиссёра а иштта ловзараша а цу тӀа дувцаш дар ше ма дарра наха довзийтар.

Спектакла тӀехьа екача ашара оазо боккъонца цу ханашка вуг. Къаьстта терко тӀаозаш я ловзарий тоаба, шоашта хьалхашка оттадаь декхар цар дизза кхоачаш а даьд.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде