«Вай балха тIехьа керттера дар — антимонопольни закон, паччахьалкхен заказ, реклама я», — аьлар Тоачанаькъан Батыра, ше пресс-конференци дIайолаеш. Цунах бола бехктокхам а, бокъонаш телхаяр а административни Кодексе чIоагIдаьд.

Укхаза, уж гIулакхаш тахкар маIан да административни гIод тохар.

2021 шера баьча балха мах оттабеш Тоачанаькъан Батыра къаьстта терко тIаяхийтар антимонопольни законадательства.

— Хьалхарча аргIах са безам ба антимонопольни закон мишта лараду дувца, — аьлар цо.

— Из да нах дIа-юха кхувлар, электроэнергетика, лаьтташ дIа-юха декъар, паччахьалкхен доалахьардар дохкар, унитарни предприятеш хьалъяр иштта кхи дIахо а.

Управлене дIадахача шера антимонопольни закон телахадаь хилара пхийтта моттиг гучаяьккхар.

Дийтта гIулакхах белгалдир антимонопольни закон телхадаь хилар, ялххаза де дезар хьалдоаккхаш моттиг хилар, царех йиъ моттиг йиллача хана юстара яьккхар, юхе йисса шиъ кхоачаъе езаш я. Иштта ийсаза хьалхадоаккхаш йола моттиг а хиннай. ДIадахача шерага хьежача антимонопольни закон телхадеш

Пресс-конференце иштта хьоахадир 2021 шера Россе ГIалгIайчен УФАС мах барга диллача исторе эггара чIоагIагIа бола тийша болх гучабаьккха хилар.

Цу гIулакхага хьожаш, Россе УФАС ГIалгIайчен комиссе доалдеча кхаь субъекташка, иштта шин индивидуальни предприниматели шоайла 9 миллиард сома маьха 7000 закупкашта картельни оалача монополе цхьан формах барт баь хилар, - хьалха даьккхар цо.

Картеля доакъашхоша из бокъонах ца доагIаш даь хилар бахьан долаш маьха чухьнахьа е йиш йолаш хинна эзараш кнтракташ, эггара лакхагIча маьхах е езаш хилар.

Из боккха тийша болх хинналга гуш да из гIулакх шин шера тахка дезаш хиларах а, 160 эзар файлашта мах оттабе безаш хиларах а, рынка мах оттабар болх а дIабихьар 3256 оагIон тIа, бокъонаш телхаярах баь болх 1039 оагIон тIа, хIаьта деррига гIулакх 20 томах латт.

Тоачанаькъан Батыра белгалдир, торгаш вIашагIйохкараша юкъе дита кхоачамбоацараш наха кхетадергдолча бесса ца хиларах, из дIакхейкаяра форма хила езача оагIорахьа вIашагIъелла ца хилара из деррига а нийсденна хилар.

Антимонопольни законадательства даькъ тIа дIадахача шера 66 соцам бар, 21 млн сома административни гIод теха хиларах.

Тоачанаькъан Батыра яхачох, цу балха даькъ тIа дика толамаш дахара болх лерттIа вIашагIбелла хила беза.

Тхой мероприятеш дIаяхьарца, ГIалгIай Республика нахаца болх беча Iаьдала методически новкъостал лоаттаду оаха, иштта Iаьдала органий болх вIашагIболлара, бизнес — сообщества лелаерашта методически новкъостал лоаттаду, — аьлар цо.

— Цу тайпара 2021 шера Россе ГIалгIайчен УФАС диъазза нахаца кхамаьлдаьд (2 очни, 2 заочни форматах), йиъ совещани дIайихьай Iаьдала органашца, болхлой тоабашца ГСМ маьхашка хьожаш йола заседанеш хиннай, ЮФО СКФО Россе ФАС Iаьдал органий доазон тIара совещанеш, цу юкъе дакъалоацаш ГIалгIай Республика Кулгалхо а иштта Россе ФАС а йолаш, цул совгIа ГIалгIай Правительстве дIайихьай «Национальни план развития конкуренции» яхача темах совещани, ГIалгIай Республика Кулгалхочун Администрацена чуйоагIаш хургйола «Применение 44-ФЗ» юкъейоалаярах йола совещани.

Цул совгIа ГIалгIай Республика Правительство, Россе ГIалгIайчен УФАС шоайла 2021-2022 шерашка бувзамлелабара баь Барт чIоагIбаьб мероприятей план оттаяьй.