«ХӀара бера аьттув» яхача мехка, «Дешар» яхача къаман проекташка гӀолла дӀабихьаб из беркате болх», - йоах тхогарча хоамо. Спорта залаш тоаяьй, спортивни клубаш хьайийллай ишколашка.

Царех я Наьсарера ишкол-интернат, №1 йола Шолжа-Шахьарера лицей, Наьсарера №№ 1, 2, 3, 5, 9, 11, 15 йола ишколаш, №2, №3, №7 йола Шолжа шахьарера ишколаш. «Дешар» яхача къаман проектага гӀолла боккха болх дӀахьош тоаяьй ишколашка спорта эша моттигаш. 2022-ча шера из болх дӀабихьар 11 ишколе: Магасе, Илдарха-ГӀалий тӀа, МагӀалбике, Ӏаьлий-Юрта, ТӀой-Юрта», - белгалдир дешареи Ӏилмани гӀулакхех йолча министерствонна кулгал деча Боканаькъан Аьсета.

Къамани, федеральнии проекташ кхеллай хьалкхувш латтача тӀехьен начӀал хьаллаца, цунна гӀо де. 2024-ча шера, 250 эзар совгӀа нах бахача шахьарашка, юрташка из болх дӀахо дӀабахьа лерхӀ.