Вай спортсменаша дакъа лаьцача моттигех дийцар Мехкадаьга
С начала нынешнего года уже более 4000 спортсменов Ингушетии приняли участие в 170 соревнованиях и чемпионатах всероссийского, регионального и республиканского уровней. Об этом, в частности, было сказано в отчёте министра спорта Али Дошхоклоева Главе РИ Махмуду-Али Калиматову о проделанной работе за I полугодие, информировали газету «Сердало» в пресс-службе руководителя региона.
«ХIара денна гIадкхувлаш ба вай спортсменаш. СКФО дIакхихьача тайп-тайпарча яхьашкара, цар вайна ера 33 дошо, 29 дото, 63 борза майдилгаш. 4000 спортсмена 170 совгIа йолча яхье дакъа лаьцад укх шера»,— белгалдир вай Мехкадас ший телеграм-канале.
Геттара гIадвугаш да, спорт езаш бола кагирхой вай мехка хIара шера дукхагIа гучабувлилга. ХIаьта республике, цу наха эшаш мел долча хIаманца кхоачам бе гIерташ хьинаре къахьег. Хьайийллай дукха спортивни моттигаш. Царех цаI я спорта Дворецера «Магас» яха, шийна чухь бассейн болаш йола, физкультуран фусам.
2023-ча шера, боккха бассейн бола ФОК хьаелла лерхI Шолжа-Шахьаре. Буро кIалхарча спорт езарашта лаьрхIа йола моттиг болх беш хургья 2024-ча шера, Дала аьннадале. Керда спортивни доазув хургда Эккажкъонги-Юрта. Спортах йолча министерствон кулгалхочунна тIадиллар вай Мехкадас, дешара гIулакхах йолча министерствоца бувзам лоаттабеш, ишколашка физкультура хьеха хьехархой кийчбелга. Тахан цу даькъ тIара болхлой ишколашка тоъаш бац, вайна эш из гIулакх ший боаггIача боараме довзаш бола хьехархой.
ЛерттIа футболисташ хургболаш, берий футбол йоаржае лерхI республике. ШоллагIа лига мара цох ца хуле а, хIаьта а вай-воай тоаба хургья из. Кагирхой футбольни лиге ловзаш я вай мехкара ши тоаба, исторе эггара хьалха. Вай спорта доккха дика да из. 2022-ча шера дIабихьа болх тахка эттача, вай республикера пхи саг Россе тайп-тайпарча клубашка дIаийцав.
«Вай таханара декхар- шахьарашка, юрташка бахаш болча кагирхошта спортаца бувзам лелабе моттигаш Iалашъяр»,— белгалдир вай Мехкадас.
