«Наьсар-Кертен оалаш бола урам шахьарерча керттерча урамех ба, хӀана аьлча нах бахарал совгӀа, Ӏаьдала балха моттигаш я укхаза. Сов дукха цига лелача машенаша толхабаьча наькъа, бахархой леткъа дукха ха яр. Наькъаш тоадеш дӀахьоча программанна юкъебихьаб тахан из урам.

«Кхераме доаца дика наькъаш» яхача къаман проектага гӀолла дӀаболабергба из болх, Дала аьннадале, бӀаьстан ха хьаэттача», - дийцар «Сердало» газетага министерствон болхлоша. Эггара хьалхарча аргӀагӀа кӀалхара къаьна никъ хьалбаккха беза, тӀаккха кийчъергья керда асфальт тӀабилла моттиг.

Бордюраш, керда гӀармаш увттаеш, гӀашлой никъ тоабеш, басарашца такаш дехкаш бола болх дӀабахьа беза цига. Хоза тоабаьча урамо куц доаккхаргда вай шахьара.