ГӀалгӀай къаман
юкъара газет

Кердадараш

Укх шера ийс урам тоабе лерхӀ Наьсаре

09.02.2024 11:02

Наьсарера ийс урам тоабеш, боккха болх дӀабахьа лерхӀ укх шера наькъий гӀулакхах йолча министерствон болхлоша. Эггара хьалха дӀаболабала лерхӀ Наьсар-Кертен оалаш болча, 3,25 км латтача урамгара. Из хоам «Сердало» газетага бир цу моттигерча зарбан болх лелабераша.

БӀаьстан ха хьаоттарца, дӀадоладергда балхаш. КӀалхара къаьна, тишбенна асфальт хьалъийца, кӀийле кийчъергья эггара хьалхарча аргӀагӀа. Бордюраш йоахкаш, 132 наькъашкара гӀармаш оттаеш, гӀаш леларашта билла никъ тоабеш, басарашца наькъа юкъе къоастам беш, болх дӀабахьа лерхӀ болхлоша.

«Из урам эггара хьалха тоабе беза, аьнна, къоастабаь латташ ба. Бахархошца бувзам лелабеш, Ӏобуллаш бола никъ дуккхача шерашка ца талхаш улларгболча тайпара болх дӀахьош, къахьега лерхӀ оаха», - белгалдир министр волча Хаматханаькъан Батыра.

«Кхераме доаца дика наькъаш» яхача къаман проектага гӀолла дӀахьош беркате болх ба из.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде