Вай мехка 2026 шера 8 эзар гаргга га дӀайогӀаргья
27.02.2026 14:45
2026 шера 8 эзар гаргга га дӀайогӀа лаьрхӀад юкъарлон даькъ тӀа, наькъашта йистегӀолла. Цох дийцар Ӏалама тароний, экологе министра Мизенаькъан Микаила.
«ГӏалгӀайчен бахархой дика дакъа лоацаш ба доазонаш баьццардерзадеча, лостам беча юкъе. 2025 шера цар дакъа лаьцар каст-каста белхий беш, «Экологически хьал тоадар» яхача проекта юкъе; хиш а цар бердий йистош а цӀенъеча боламашка. Къаьстта лоархӀаме яр Гӏажарий-Юрта Эса тӀа дӀахьош хинна кхетаченаш; 7 эзар совгӀа га дӀаегӀар Шолже-Гарагорск наькъаца»,- аьлар «Сердало» газетага мехка Ӏалама Министерстве.
Цу тайпара пайда луш бола болх дӀахьош хиларо экологически хьал тоаде, хьамсарча мехка таронаш совъяха таро лу, иштта республикан лаьтта тӏайоала хӀамаш, оакхарий, дийнаташ лораду.
