ГӀалгӀайчен деша даха ха йоацача берий 50 моттиге, наькъашка лелара бокъонаш Ӏомаю
15.01.2024 12:19
ГӀалгӀайчен 50 берий беша хьайийллай автомобильни шахьараш, цига новкъа лелара бокъонаш царна йовзийтар духьа, яхаш, дийцар «Сердало» газетага республикан министрий кабинете.
«Ловзара хьисапе, берий таро я тайп-тайпарча наькъа хьалашка нийсдала, наькъа кхерамленца ювзаенна моттигаш йовза. Каст-каста республикан ГИБДД болхлоша зӀамигача берашца занятеш дӀахьу», йоах хоамо.
Цар керттера декхар да, мехка зӀамигача бахархошта наькъий бокъонаш Ӏамаяр, царна наькъа кхерамзлен оагӀонаш гойтар.
Къаьстта берий бешамашкара хьадоладе деза цу тайпара деш дола хьехар, хургбола водителаш, гӀашлой цунах дӀакхетабеш.
