ЦӀерца дувзаденнача хатарех, дийцар МагӀалбикерча администраце
ЦӀерца ювзаеннача кхерамзленах дувцаш йола кхетаче дӀайихьар МагӀалбикерча администраце, МЧС болхлоша дакъа лоацаш.
Из хоам «Сердало» газетага бир МЧС зарбан болх лелабераша. ДӀадахача шера цӀерца дувзаденна хиннача хатарех дийцар кхетаче. МагӀалбик-Шахьаре, МагӀалбика кхале 153 моттиг хилар цӀи яьнна, ши моттиг газ ийккха яр. ЦӀерца дувзаденна хатараш эггара дукхагӀа МагӀалбик кхале хулаш хьадоагӀа, укх тӀехьарча шерашка.
Цу гӀулакхо паргӀата битац МЧС къахьегамхой. ОНД, ПР клгалдеча Котанаькъан Ахьмада белгалдир, цӀерцара хатараш ара шелал эттача дукхагӀа долга. Цунга хьежжа, бахархошца массахана бувзам лоаттабеш, дӀадувца деза, шелал эттача согаш йолча хӀамаех мишта лоравала веза.
«ЧӀоагӀа доккха гӀо дергдар цу хӀаман тӀехьа цӀи яьлча хоам беш долча гӀирсаша. Геттара чӀоагӀа эш уж хала боахкача, массахана бӀарг тӀалоаттабе беза нах бахача цӀеношка», - дийцар МВД викалаша.
