Шахьара куц тоадара тIехьа кхеллача къаман проекташка гIолла, малагIа доазонаш куц хувцаш тоадича бакъахьа да хьожаш хилар шахьара кулгалхо. Наьсарерча хьакимаша хIаране шоашта хетар аьлар. Шахьаре тоае еза моттигаш хоржараш бахархой шоаш ба.

Хьакимаша белгалйир, дукхача хана денз тоае яхаш, наха дехар ду моттигаш. «Наха дукха теркалъеш йоаца моттигаш, тоаяь яьнначул тIехьагIа геттара хоза куц хиле дIаотт. СалаIа, ахкан хана ха йоаккхаш багIа нах гуллу, хьалха вIалла саг юхеводаш ца хиннача моттигашка. Цох масал эцаш, дIабахьа беза вай болх. Дикка къахьегаш хилча, моллагIа хIама хозача беса тIа доагIа», — аьлар шахьара дас.

Мэре болхлоша яхачох, бахархошта хоржамаш де оттаергьяраш ийс моттиг я, царна юкъера шоашта тоайича бакъахьа хета ворхI моттиг хьахаржа езаргья наьха.