Къонабарашца наркомани яха зулам, ма дарра, довзийташ, цо наха тIакхухьа вонаш дувцаш къамаьл дир цар. Кагирхоша дукха хаттараш тийлар царга. Наркотикаша лаьцача саго ший вахар толхадаь ца Iеш, ший цIагIа мел болча наьха сийрда денош доаделгах дийцар, из унзара гIулакх дувца гулбеннараша. Тахан вайна юкъе геттара даржаш латт наркотик яха дохьаж, цунга хьежжа, вайх хIаране декхар да цу гIулакха духьала лира тIом лоаттабар.

Наркотик йоаржаераш къайла а ца кхухьаш Iаьдалга дIабувца беза вай! ХIаране уйла е еза, из доккха зулам ший цIагIа чудеча ший цIен хьал мишта хургдар аьнна. Тахан дийшача наха, наркотикашта духьале лелаеча болхлоша каст-кастта вIашагIкхетараш дIакхухь къонабарашца. Юстара виса йиш яц, цу вонах, вайх цIаккха а!