ГӀалгӀай къаман
юкъара газет

Кердадараш

«Магас» яхача аэропорте тӀахьожам чӀоагӀбаьб

Терроризм яхача зулама духьале лелаеча комиссе кхетаче дӀайихьар, Шолжа-Шахьарерча «Магас» яхача аэропорте. Кхерамзленца бувзабенна болх чӀоагӀбе лаьрхӀар цар.

«Цу кхетаче дакъа лоацаш хилар министра гӀонча вола Кувалдин Василий, шахьара да Ӏумаранаькъан Аслан, цун гӀонча Беканаькъан Халид, аэропорта кулгал деш вола Чуранаькъан Мухьмад, МВД «Шолжа шахьар» яхача МО хьалха латта ЦӀечой Нухь, администрацен АТК секретарь вола Ведажанаькъан Идрис, иштта кхыбараш»,- йоах тхога бенача хоамо. Кхетаче дӀаяхьара бахьан дар, интернете гӀолла гобоахаш лелача харцача, бух боацача хоамех тийша, бахархоша аэропорта доазон тӀа кхетачеш, пикеташ, митингаш яра сунт тохар. Цигара тӀахьожам чӀоагӀбаьб. Ӏаьдала болхлоша кхайкарал ду кагирхошка, боккъал а бакъдоацаш арадувлача къамаьлех ма теша, яхаш. Лоралуш хила, бух боаца хоамаш хьа ма ийде! Наха доккха зе ду ишттача къамаьлаша!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде