Боксах йола турнир дIайихьар Iаьлий-Юрта
08.02.2024 10:13
Iаьлий-Юрта дIайихьача боксах йолча турнире, шоай говзал хьахьекхар 90 совгIа волча спортсмена. Из хоам тха «Сердало» газетага бу республикерча боксах йолча федераце зарбан болх лелабераша.
«Къаман вахаре цIаккха а йицлургйоацача Албохчанаькъан Лейлайна хетаяьча яхьашка гулбеннабар 12-13 шерга кхаьча кагирхой. Дошо майдилгаш йихьар 32 боксёра.
Уж бар - Овшанаькъан ИбрахIим, Тоачанаькъан Або, Говрой Кемран, Бесайнаькъан Акроман, Дзовранаькъан Ислам, Булгучанаькъан Адам, иштта кхыбараш а.
ШоллагIча аргIагIа белгалбаьлар Къоастой Мухьмад-Амин, Колой Амир, Хьоашаланаькъан Рахьман, ГIаьнажанаькъан Самир», - йоах тхога бенача хоамо.
