Ӏаьлий-Юрта ухаргйола цхьаькха маршрутни такси еза
Ӏаьлий-Юрта ухаргйола машин эш, хӀана аьлча йолаш йола юкъара транспорт кхоачам болаш яц. Моттигерча бахархоша, цу гӀулакха тӀахьожам беча Ӏаьдалга дехар ду, цу дешаца дувзаденна кхоачамбоацараш юкъера дӀадаха, яхаш. Цу тайпара ба «Сердало» газета корреспондентага баь хоам.
«БӀарччача дийнахьа лелаш йола транспорт дукха яц, хила езачунга диллача. МалагӀаш да ца ховча бахьанех, кхо бутт ба транспорт йоаца. Маршруткаш оала транспорт Ӏаьлий-Юрта Ӏуйрийна, сайрийна кӀезига хул. Дукха студенташ дешара тӀехьабус; хӀаьта болхлой, шоаш тӀехьабусаш хиларах, кулгалхошта хьалхашка бехказабувла безаш хул. Из сурт да хӀанз цу юртара дар, 17 сахьат даьнначул тӀехьагӀа, бӀарчча сахьаташ доахаш нах хьежаш латт транспортага, из а хург ма йий аьнна теша йиш йолаш хилац», - аьлар цигарча цхьан яхархочо Йовлой Томас.
Белгалдаккха деза, бахархой цкъа баха Ӏийнабац ГӀалгӀай Республикан таьрахьий дегӀаахара, промышленноста министерстве, транспортаца дувзаденна дош кхоачашдар дехаш.
