Ӏаьлий-Юрта хинна, физически культуран итт ди чакхдаьлар
11.10.2023 11:32
«Наьсарен кхален Ӏаьлий-Юртара Гимнази» яхача ГБО чакхдаьлар физически культуран, ОБЖ, технологе итт ди. Дешархошта юкъе спорт йоаржаяра лаьрхӀа дӀахьош дар уж, яхаш, дийцар «Сердало» газетага из болх вӀашагӀбеллараша.
«Спортивни кхетаче вӀашагӀъеллаяр пайданеча ловзарех, дешара эстафетах, зӀамигача футбола яхьах. Эггара чӀоагӀагӀа бераша, хоза а хеташ, дӀайихьар «СихагӀа, лакхагӀа, чӀоагӀагӀа» яха яхьаш. Цига дакъа лоацаш хилар зӀамагӀдола бераш меттел, 6-11-ча классашка багӀа дешархой а. Из доацаш, итт денна чуйоагӀаш, 7-8 классашта юкъе олимпиада дӀайихьар. Итт дийнахьа, гимназе дешархошта массайолча оагӀорахьара физически дегӀавара дола кердадараш дайзар», -аьлар юкъарча дешара болхлоша.
