Йоккхача бешкашка хьачууха хий, юрта гIолла дIа-хьа дода. Фортангера хий айделча, цо канал хьалдукъ. Хьалха, юрта дукхагIа нах бахача хана, берригаш цхьана арабаьлий юстара доаккхар из хIама. Белашца, шодашца канала чура, Фортанго Iочуена колд, гаьнаш, нувхаш арайоахар цар.

Тахан цу юрта, иштта дукха бахархой ца хиларга хьежжа, из гIулакх хало латт. Укх наькъа царна оарцагIабаьхкар, ДК йотташ боахка болхлой. Цар елар администрацен болхлошта гIо де экскаватор. Берригаш оарцагIбаларца меттадоаладир хин гIулакх.