ГӀалгӀай къаман
юкъара газет

Кердадараш

ГӀалгӀайчен ди долаш, «Росси» яхача гойтаме-кхетаче говзанч-хьехамаш лургда

ГӀалгӀайчен ди долаш, «Росси» яхача гойтаме-кхетаче лаьрхӀад, безам тӀабодаш дола говзанч-хьехамаш дала, цар таро лургья хьажархошта гӀалгӀай культура ма ярра йовзарал совгӀа, шоашта кхоллама даькъе фу карагӀдоал хьажа а.

Программа дӀахьош, кертте латтараш хургба начӀал дола артисташ, уж ба «ГӀалгӀайче» яхача халхара паччахьалкхен ансамбла дакъашхой, яхаш, дийцар «Сердало» газетага ГӀалгӀайчен Москверча викалий зарбан болх лелабераша.

Москван бахархой а иштта столицан хьаьший а таро хургья безам тӀабодаш долча гавзанч-хьехамашка дакъа лаца. Тайп-тайпара къаман пандараш локхача даькъе, къаьнарча гӀалгӀай ашараша цар уйлаш хьоргья, Ӏадатий хозален дунен тӀа.

Цул совгӀа, цига хьажа боагӀача наьха таро хургья гӀалгӀай халхара говзанч-хьехам го, из луш хургба халхара артисташ Бохтаранаькъан Джабраил, ТӀоханаькъан Танзила. Цар Ӏомабергбакулгаш, когаш, корта нийса лелабе, гӀалгӀай халхара говзал йовза. Актрисас, ГӀалгӀайчен паччахьалкхен ашарий-драматически эрсий театраговзанчас Овшанаькъан Зарас говзанч-хьехам лургба илли ала Ӏомабеш, цул тӀехьагӀа, Ӏомадергда «Ӏодода хий» яха халкъа илли, цо а массане безам гӀалгӀай ашарашта тӀаберзабергба.

Уж деррига говзанч-хьехамаш дӀахьоргда ВДНХ культуран проекташ дӀахьоча даькъ тӀа, №75 йолча фусаме, Москвера ханах 13 сахьат даьлча денз 14 сахьат даллалца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде