«Наркотикаш - из юхьанцара зулам да, из унзара гӀулакх да, цо сага вахар дохаду. Нийса вахара никъ - из наркотикаш йоаца вахар да, хӀана аьлча кхыметтел цкъа мара уж юкъеяьннаеце а, саг толхаву цар, уж йоацаш ца Ӏелуча дӀатӀавоаккхаш. Лорий гӀо-новкъостал эшаш хиларал совгӀа, дӀахо вахара лерттӀа никъ бехк цу дешо, ший мел волча гаргарча сагах воал, балхара вох, гонахьарча наха кхераме верз. Из даим кхувш йоагӀача тӀехьенна хьалхадаха дезаш да. Бераша кхетаде дезар цаӀ да, моллагӀа бахьан дале а, из миштай ца хьажар, «цхьацца вахара халонаш йицъяр духьа, е цхьанне чӀоагӀа дехар деш моттиг нийсъяларах, е кхыдолча бахьанца дувзаденна», чаккхе цун во я»,-аьлар Оздой Аьсета «Сердало» газетага. Из хьалхадаккхара болх каст-кастта дӀахьу ГӀалгӀайчен культуран болхлоша. Наркоманеца къовсам лоаттабар массане юкъара декхар да. Галашка цу хьакъехьа даь къамаьл байташ ешарца чакхдьлар. Уж йийшараш бар цу культуран цӀагӀа цхьацца хӀама Ӏомадеш бола Элденаькъан Хадижаи Ясминаи.