Магаса кагирхой цхьанкхетарий Цӏагӏа болх шаьрбу кхетаче дӏахьоргья
Саькура бетта 14-ча дийнахьа, Магасерча кагирхой Цӏагӏа болх шаьрбара кхетаче дӏайихьар, цига спикераша дийцар, шоай кхоллама таронаш мишта маьхалйоахаргья, цу даькъ тӏа пайда бахьаш хилара фу де деза. Из хоам «Сердало» газетага бир бувцаш бола болх вӏашагӏбеллараша.
«Дешар дӏадоладелар 14:00 сахьат даьлча. Кхетаче эшаш яр дӏаболалуш болча шоай доалахьара хӏама а иштта говзал йолча кхоллама болх а лелаберашта. Маркетолог, бизнесмен волча Акеев Ибрахӏима дийцар кхоллама проектах, мишта юкъебоахаргба гӏулакх ийша тӏабаьхкараш таханарча таронашта. Роскагирхой грантай викала Байц Халиса дийцар эша гӏирсаш эцара, студи дӏайолаяра дола ахча хьаэцара таронех, иштта доккхагӏа долча ноахала (НКО гӏолла) ахча лоаттадар лех»,- аьлар хоамо.
Белгалду, проект кхоачашъеш я «Росмолодежь. Гранташа» хьаллоацаш.
