Наьсарен Росгварде берий беша Коталон ди дездир.
В ДОУ Росгвардии в Назрани прошло мероприятие, на котором его воспитанники читали стихи и пели песни, посвященные Дню Победы, информировали газету «Сердало» в пресс-службе федерального органа исполнительной власти.
«Росгварде лоархIаш йолча «Малх» яхача берий беша, Коталон денна накъадолхаш, кхоллама кхетаче дIайихьар.
Цига хьоашалгIа баьхка хилар цу урхаллен ветераний Совета кулгалхо вола ГIарбакханаькъан Мухьмад, Афганистана ветераний цхьанкхетара моттигерча отделене викалаш, гIулакха тIа лаьтта ветеранаш, карарча хана тIема гIулакх леладераш, даьй-ноаной комитет, иштта урхаллен кхыбола болхлой», — йоах хьабайтача хоамо.
Бераша йийшар Коталон денна хетаяь байташ, цIихеза «Коталон вальс». Деша даха ха йоацача бераша Iомаяьча байташка а иштта кхоллама гойтамашка а гIолла хьажархошта дагадохийтар, моастагIчох хьамсара мохк кIалхарбоаккхаш денал, майрал гойташ лийтача турпалхой денал.
ГIарбакханаькъан Мухьмада яхачох, цу тайпара кхетаченаш дIахьош хиларо лоархIаме дакъа дIалоац берашта кхетам балара балха юкъе, вай дукхача къамех латтача Россе халкъа вахаре къаьстта а. Цар доаккхал дергда, моастагIчунгара котало йоаккхаш, доккха дакъа Россе халкъо юкъедахьарах.
Цар лоархIаргба ветеранаш, шоай са ца кходеш, моастагIчоа духьалъэттараш, вай мехка кортамукъале яьккхараш.
