ГӀалгӀай мехкарча «Кавказ» яхача федеральни наькъ тӀа, цхьа саг леш моттиг нийсъелар
11.02.2024 16:31
Тахан Ӏуйрийна «Кавказ» яхача федеральни наькъ тӀа, 585-ча километре, наькъа хатар хилар.
ГӀалгӀайчен Наьсарен кхален Яндарена юхе «Мерседес-Бенц» яха машин тӀакхийтар шийна духьалйоагӀача КАМАЗ оалача машина, иномарка тӀа ваьгӀа водитель, човнаш чӀоагӀа хиларах, цу моттиге велар.
«Яндарена юхе из хатар нийсденнача моттиге, бахьан малагӀа да тохкаш ба полице болхлой», - аьлар «Сердало» газетага ГӀалгӀай Республике гӀолла йолча Россе МВД Госавтоинспекце.
