Полице болхлой, ОМС къахьегамхой, бахархой гулбелар Эккажкъонгий-Юрта
Таханарча дийнахьа лоархӀаме дола хаттараш дашха гулбелар Эккажкъонгий-Юрта полице болхлой, ОМС къахьегамхой, бахархой. Из хоам «Сердало» газетага бир МВД.
«Юртарча культуран цӀагӀа гулбеннараша дийцар бахархошта эггара чӀоагӀагӀа къувлаш долча дешаех. Теркалдир, бахархой массахана Ӏаьдала болхлошца бувзам лелабеш хила безилга.
Цу кхетачен хьалхаэттараш бар МВД кулгалхойи юкъара совети», - йоах тхогарча хоамо. МВД юкъарча совета кулгал деча Гаданаькъан Мусас дийцачох, ишттача кхетаче кертте оттаду наркоманеца, наькъашкара бокъонаш телхаярца, иштта кхыдолча зуламашца дувзаденнараш.
Иштта хьаьшаша дийцар Украинерча тӀема операцех, МВД балха отта безам болча сага кхоачашде дезарех. Гулбеннараша къаьстта дийцар яржаш латтача наркотикех, корта бохабеча маларах.
Белгалде деза, иштта долча вӀашагӀкхетараша боккха пайда белга. Ӏаьдала болхлошцара бувзам чӀоагӀа хиларо гучадоах юрташкара зуламаш.
