Эккажкъонгий-Юрта таьзет хилар, СВО бӏухо Берсанаькъан Йоакъап дӏаволлаш
Эккажкъонгий-Юртара Берсанаькъан Ахьмада Йоакъап велар, ший тӏема декхар турпалал гойташ кхоачашдеш, СВО тӏема даькъ тӏа. Гӏалгӏайчен кулгалхочо Келаматанаькъан Махьмуд-Ӏаьлас тӏадиллача декхарах, из тӏеххьарча новкъа воаккхаш дукха Наьсарен кхален викалаш баьхкар. Цар цу халача хана хьаллаьцар бӏухочун гаргара нах, эшача шоаш царна гӏо де кийча хилар белгалдир.
Цига дакъа лоацаш вар Наьсарен кхален администраце кулгалхо Овшанаькъан Мухарбик, цун гӏонча Исмейланаькъан Темарлан, кхален Кхела кулгалхо Эккажанаькъан Идрис, ший гӏончаца Шоанахой Жабраилца, иштта юрта администрацей кулгалхой. Цар кодам бир веннача бӏухочун гаргарча нахага.
Берсанаькъан Йоакъап, ше цу тӏема мугӏарашка мел латтача хана, Даьхенна мутӏахьа волаш, ший декхар дизза кхоачашдаь дӏавахар, иштта вусаргва из республикан бахархой дагахьа.
Дала гешт долда, Дала къахетам болба цох!
