УнахцӀенон ди да ВДНХ, ГӀалгӀайчен стенд йолча дӀахьош
«Росси» яхача Москве ВДНХ дӀахьош болча гойтаме-кхетаче, ГӀалгӀайчен стенде унахцӀенон ди да дӀахьош. Цига баьхка хьаьший тӀаэцаш я унахцӀенон гӀулакхах йолча министерствон кулгалду Антошканаькъан Зарема, лорех латта тоаба.
Из хоам тха «Сердало» газетага бир республикерча унахцӀенон министерстве. ГӀалгӀайчен стендага хьежар РФ унахцӀенон министерствон кулгалхочун керттера гӀонча вола Фисенко Виктор.
Антошканаькъан Заремас цунна дийцар, тӀехьарча шерашка унахцӀенон оагӀонца вай хиннача толамех. Москве ГӀалгӀайчен массазара викал волча Илезанаькъан Микаила вай стендаца ювзаенна экскурси йир столицерча хьакима лаьрхӀа.
«Вай мехка исторен, культуран Ӏадаташта хетадаьраш довзийтар Илезанаькъан Микаила. Цхьацца балхаш дӀадовзийташ бола массехк гойтам хургба цига тахан. Мултимедийни экрана тӀа гойтаргда республикера унахцӀенон хьал тоадеш де аьттув баьннараш», - белгалдир министерствон болхлоша.
