Из дIайолалургья хьатIадоагIача ерача дийнахьа, шин дийнахьа хургья из.

Из мероприяти дIахьош я, республика Кулгалхочо, Келматанаькъан Махьмуд-Iаьлас, тIадилларах. Цига 4 млрд сомал совгIа мах бола бархI инвестиционни барт бе лерхIаш ба АПК даькъе, промышленноста, шахьара инфраструктура хьалъеча даькъе.

Мероприяти дIахьош, инвестпроектий презентаци хургья: берий кхача арахецача даькъе, клубникаш лелаеча, товарни карп оала чкъаьара кхебеча Iама боахаме, шера 24 тонн чкъаьра хургболаш болча балха даькъе. Из доацаш а элеватора комплексе кIа лорадара йола моттигаш хьалъеш, боча бIар чакхдоаккха завод хьалъеш, иштта пхе седкъа отель 10000 кв м даькъа тIа хьалъеш, цунна хьатIаяь офисни гIишлош а йолаш, хIанзарча ханара Магасе коттеджаш (ишкола, берий беш, ФОК, бассейн) хьалъеш бола болх бувцаргба.

Цу тайпара проекташ ювцача дакъалаца ловш хилар, 100 хьаьша-эксперташ. Уж тайп-тайпарча федеральни ведомствай, агентствай, Къилбаседа-Кавказ дегIайоалаяра — викалаш ба.

Форума цхьан даькъе гойтаргья, Российски регионашка арахецаш йола продукци.

Кхетаче хургья Назранерча «Строймаркет» Торгови центре.