ГӀаьзе-Коара хин турбаш эргайоахаш латт
19.03.2025 13:32
ГӀаьзе-Коара эггара чоалханегӀа дола кхоачамбоацараш меттадоаладергда кастта. 1 км кхоачаш хий чудуллаш боахк цига, боаггӀача боараме хий хьадоагӀаш хургда, Дала аьннадале, цигара 250 ков.
Мехкадаь зарбан болх лелабераша белгалдечох, 50 шу совгӀа ха йолча тишъеннача турбаша Алханчуртски оалача урамерча бахархошта йоккха хало лоаттайора.
«Ахкан Ӏимецача деношка бахархошта боаггӀача боараме хий хургдолаш къахьегаш ба хий лоаттадеча оагӀон ЦаӀ вола оператор яхача моттига болхлой, тишъенна турбаш хувцаш латт тахан», - белгалдир вай Мехкадас Келаматанаькъан Махьмуд-Ӏаьлас.
120 км хин турбаш укх шера хувца лаьрхӀар.
