ГӀаьзе-Коа жагӀа тоссаш баьхкар болхлой
07.12.2023 10:36
Машинашта, иштта гӀаш леларашта дӀа-юха аха аттагӀа, паргӀатагӀа хургдолаш; ГӀаьзе- Коарча нах хӀетта баха хайшача моттиге жагӀа тоссаш, из нийсбеш болх дӀабихьар цу гӀулакхах бехктокхаме бараша. Из хоам «Сердало» газетага бу шахьара администраце къахьегамхоша.
«Цига бахача наха дехар даьдар, из никъ шаьрбийя; кӀеззига аттачахьа баккха шоашта, аьнна. 550 метрага кхоачаш долча доазон тӀа жагӀа тоссаш болх дӀабихьар болхлоша», - йоах тхогарча хоамо.
Белгалде деза, бахархой дехараш администрацен кулгалхоша тесса ца дутилга. Сиха оарцагӀбаьнна, тоабир ГӀаьзе-Коара никъ.
