МагӀалбикерча № 1 йолча гимназе дешархошца кхетаче дӀайихьар укх деношка
04.02.2025 11:59
Низ тӀалоаттабарах, терроризм, наркомани яхача зуламех дийцар; гимназерча дешархошца дӀайихьача кхетаче. Дин Ӏомадеча университета хьехархой, администраце болхлой бар цига гулбеннараш.
Дешархошта дийцар, терроризмо дунен тӀа доаржадаьча доккхача зуламех, дукхача наьха вахар толхадарах. Кхувш латтарашта хьалхадаьккхар, зуламхоша шоай бӀеха болх дукхагӀа йолча хана интернете гӀолла дӀакхухьилга, цу тайпарча нахаца цхьаккха бувзам лелабе йиш йоацилга. Из хоам «Сердалога» бир цу моттигера.
Дешархой хаттарашта жоп луш, цар сакхетам дикагӀа сомабоаккхаргбараш юкъедоаладеш, дӀайихьар кхетаче. Белгалде деза, иштта йолча кхетаченах кхувш латтача тӀехьенна боккха пайда боалилга.
