«Марем» яха гимнази тоаяьй, боккха болх дӀахьош
11.09.2023 12:04
Магасера «Марем» яха гимнази тоайир, боккха болх дӀахьош. Гуцаранаькъан Микаила «Сафмар» яхача гӀо лоаттадеча моттиго новкъостал деш, дӀабихьар из болх. «Дерригача гӀаташкара кӀийле хувцаш, тӀера тхов Ӏобоаккхаш, керда сантехника оттаеш, ков тоадеш, боккха болх дӀабихьар цига.
Хувца мел эшаш дар хувцаш, хоза куц тоадаьд гимназе», — йоах тхогарча хоамо. «Сафмаро» мел эшаш дола ахча делар из болх дӀахьо, 1-ча классашкара 11-ча классашка мел багӀача дешархошта книжкаш дайтар. Гимназе дешаш долча берашта, доккха новкъостал хиннад цу гӀулакхах.
