Лоаме культуран тӀехьален гӀишлош тоаеш латт
26.10.2023 10:49
ГӀалгӀайчен лоаме дӀахо дӀахьош ба, гӀалгӀай къаман культуран тӀехьален моттигаш тоаяра болх. Вайна ма харра, укх деношка йистебаьлар Ний оалача ширача юрта дӀахьош хинна болх. Цига тоаяь яьлар 4 тӀема, цаӀ ах тӀема, ворхӀ нах чубаьха гӀалаш.
ДӀахо тоае лерхӀаш я Морч, Хьарп, ТӀумагӀ, Фуртоуг. ХӀанз царех дола, хьалха цаховш юкъедита кердадараш тохкаш болх дӀахьош ба, цига гучадаьлар, къаман культуран тӀехьален еррига моттигаш паччахьалкхено дӀаязъяь цахилар.
Цунца дувзабенна ЖӀайрахьа-Эса чӀожерча музея-заповеднико болх дӀахьош ба. Из йистебаьлча, «Сафмар» ганзо уж тоаяра балхаш дӀадоладергда.
