Лоаме хьалха йовзаш ца хинна культуран тӀехьале кораяьй
20.10.2023 16:47
![](http://serdalo.ru/storage/gFShwT5nqr0VxL75HPqRECTSVZNjHQsjvu1sV7gf.webp)
Лохера Пхьуй яхача историко-гIишлой даькъ тӀа хӀанззалца йий ца ховш хинна культуран тӀехьале - лаьттан кӀалхара кашамаш корадаьд, яхаш, хоам бу ЖӀайрахьа-Эса чIожерча музея-заповедника зарбан болх лелабераша.
Музея болхлоша цига де дезаш дола балхаш дӀадихьар: дӀаяздар, бустамаш дахар, сурташ дахар, моттиг сурташца дӀачӀоагӀъяр.
«ДӀабихьача балха чаккхе гойтаргья республикан культуран тӀехьален гIишлош лораяра паччахьалкхен комитете, дӀахо цаӀ йолча паччахьалкхен моттигий реестра из юкъеяхьа дагахьа», - аьлар гӀалгӀай халкъа культуран тӀехьале лораераша.