ГӀалгӀай къаман
юкъара газет

Кердадараш

БӀехача хишца лаьттанна Ӏоткъам баь моттиг гучаяьккхар лоаман кхале

БӀехача хишца Ӏалама зе даь моттиг гучаяьккхар ЖӀайрахьа кхале. Из хоам «Сердало» газетага бир тӀахьожама болхлоша.

«Интернета оагӀонашка увттадаьча суртех, «Кязи» яхача альпинистий лагере Ӏалама хьал лорадарах дола гӀулакх мишта латт хьожаш хилар прокуратура болхлой. ДӀабихьача тӀахьожамо хьахьекхар укх тайпара сурт.

«Альпинистий цхьанкхетара чуйоагӀача «Лоаман клубанна» Хьули, Бишт ядача доазонаш тӀа вагончикаши чаьтараши оттадаь хилар. Лагерерча хьалага хьежача гучадаьлар, цигара дӀаухача бӀехача хиша Ӏалама зе деш хилар, цул совгӀа, нувхаш дӀакхувсаш дола доазув чулаьцадац», - йоах тхогарча хоамо.

Цу моттига кулгал деча сага хьалха цох лаьца хоаттам баьб прокуратуро. Кхоачамбоацараш юстардахийтара тӀехьа, тӀахьожам беш хургья из дӀахойодача хана.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде