«Цига дакъалоацаш бар: цунна чуйоагIача предприятей викалаш, иштта МЧСа а вахара Iалашон а структурай викалаш, ГТРК, НТРК журналисташ. Цу кхетачен доакъашхоша тахкар, цIаьхха чоалхане хьал этта моттиг хуле, е доккхий хиш хьийдда, сиха новкъостал эшаш хуле, хьалхарча аргIах де дезар малагIа да», — аьлар «Сердало» газетага, муниципальни даькъа тIарча пресс-служба.

Командно-штабной ученеш дIахьош, цар хьалхашка оттадаь декхар дар, Шолжерча Iододача хина боарам 50 см лакхал айбенна хилча санна. Цу тайпара цар оттадир, Хашагульгова урамах долча тIаьна кIала Iаьржа хий дена, цо ворхI урамах хий чухьедийтача санна. Хий чудаьнна хилар 520 цIагIа, 1600 саг, царех 620 бер да.

Пхи километр электролини толхаяьй, лохача давленех йола 2 км газопровод а цу юкъе.

Эттача хьала, мах оттабаьчул тIехьагIа лаьрхIар:

— Шолжа-шахьара даькъа тIа «Чоалхане хьал эттача санна хилар»; оперативни тоаба хиннар фуд хара, из тахка дIаяхийтар.

Шолжа районе гIолла йолча, «Ростелеком» ПАО ГIалгIай филиала хоамий бувзама служба кулгалхочунна хьалхадаьккхар:

Нахага сиха хоам бар, бувзам лелабар, наьха доалахьар дар, мах бар кIалхьардаккхар, нах хIанзарчоа кIалхьара бахара, царна чу Iе моттиг Iалашъяр.

Кхетаче яьнначул тIехьагIа, шахьара кулгалхо Iумаранаькъан Аслан, граждански оборона, чоалханерча хьалий кулгалхо Беканаькъан Халат баха хилар, РСЧС хьалаш а низ а малагIча боараме ба хара«, — аьлар Шолжа мэре.

Техника а оборудовани а Шолжа-шахьара юртбоахама базара даькъа тIа дIаоттаяьяр.

«Техника кийча я эттача хьале ший болх дIабахьа, хьалхашка латта декхараш кхоачашде Протоколага хьежжа», — аьлар шахьара кулгалхочо.

Говзанчаша оттабеча маьхага хьежача, цу тайпара хьалххе а шоай таронга хьожаш бола болх дIабахьаро, Шолжа -шахьар доазон тIа догIаш дийлха моттигаш эттача, из хьал теркама юкъе лоаттаде таро хулийт, цигара чоалханера хьал эттача наха хулаш дола зе а юстардоаккх, доккхача хиш наха зе дергдоацаш дола хаттар а дизза кхоачашде низ дIакхоач.